ქართლის დედა

მონუმენტი „ქართლის დედა“ (ასევე ცნობილი როგორც „საქართველოს დედა“) — თბილისის ერთ-ერთი მთავარი სიმბოლო, რომელიც სოლოლაკის ბორცვის მწვერვალზე მდებარეობს. 20-მეტრიანი ქანდაკება, რომელიც მოქანდაკე ელგუჯა ამაშუკელს შეუქმნია, 1958 წელს ქალაქის 1500-ლი წლისთავის აღსანიშნავად დადგეს. იგი ასახავს ქალს ტრადიციულ ქართულ ეროვნულ სამოსში. ქანდაკება განასახიერებს ქართველი ხალხის ეროვნულ ხასიათს: მარცხენა ხელში მას ღვინით სავსე თასი უჭირავს, რითაც მეგობრებს ეგებება, მარჯვენაში კი — მახვილი, რათა სამშობლო მტრებისგან დაიცვას.